جموں کشمیر پولیس کی جانب سے حلقہ انتخاب بجبہاڑہ کے مختلف علاقوں میں بیداری مہم چلائی گئی ہے، جس کا مقصد صرف یہ تھا کہ تمام باشندے اپنے چہرے پر ماسک مناسب طریقے سے پہنیں۔
اس مہم کے دوران جاوید احمد ایس ایچ او بجبہاڈہ کے ہمراہ پولیس اہلکار بھی مہم میں شامل رہے، اس موقع پر بغیر ماسک کے چل رہے لوگوں کو ماسک بھی تقسیم کیا گیا۔
اس موقع پر پولیس اہلکاروں نے لوگوں کو کورونا وائرس کے بارے میں خصوصی جانکاری دی، ساتھ ہی انہوں نے لوگوں سے اپیل کرتے ہوئے کہا کہ ہمیں کووڈ کے خلاف جنگ جیتنی ہے۔ ماسک پہننا کورونا وائرس کے انفیکشن کے پھیلاؤ کو روکنے کے لئے ایک آسان اقدام ہے۔ ماسک پہننے سے یہ بھی ظاہر ہوتا ہے کہ آپ اپنے آپ کی اور گھر والوں کی پرواہ کرتے ہیں۔
بیداری مہم کے دوران انہوں نے لوگوں میں ماسک تقسیم کرتے ہوئے انہیں صحیح طریقے سے استعمال کرنے کی ہدایت بھی دیں۔
