ضلع اننت ناگ کے دور دراز گائوں ڈونگی واری ڈورو کے لوگ کئی سالوں سے گاوں تک سڑک نہ ہونے کی وجہ سے پریشانیوں کا سامنا کر رہے ہیں۔
ایسے میں اب لوگوں نے خد چندا اکٹھا کر کے گاوں تک سڑک پہنچانے کا کام مکمل کیا ہے۔
ای ٹی وی بھارت کے نمائندہ سے بات کرتے ہوئے لوگوں نے بتایا 'ہم عرصہ دراز سے انتظامیہ سے اپیل کرتے آرہے ہیں کہ ڈونگی واری اور ملک آباد کے بیچ سڑک تعمیر کی جائے اور اس سلسلے میں ’’ گائوں کی اور‘‘ پروگرام کے دوران بھی انتظامیہ سے اس سلسلے میں مطالبہ کیا گیا تھا'۔
انہوں نے کہا 'سڑک نہ ہونے کی وجہ سے اُنہیں کئی کلو میٹر پیدل چلنا پڑتا ہے'۔
اب اس پسماندہ گاؤں کے مکینوں نے فی کنبہ 5 ہزار روپے جمع کیے اور تقریباَ ڈھائی لاکھ روپے جمع کر کے سڑک کا کام شروع کیا ہے۔
4 کلو میٹر لمبی اس سڑک کیلئے لوگوں نے ذاتی زمین بھی وقف کر دی۔ وہیں انتظامیہ سے لوگوں کی امیدیں ابھی بھی برقرار ہیں۔
یہ بھی پڑھیے
پی ڈی پی: 20 رہنما ابھی بھی نظر بند، مرکز کے دعوے جھوٹے
سڑک تعمیر ہونے سے اب گائوں کے سینکڑوں افراد کو لمبی مسافت طے کرنے سے نجات مل گئی ہے۔
لوگوں نے انتظامیہ سے اپیل کی کہ سڑک کو پختہ بنانے کے لئے انتظامات کئے جائیں۔
