محکمہ سیاحت جموں کشمیر میں سیاحت کو فروغ دینے کے لیے کافی اقدامات اٹھا رہی ہے۔ امسال محکمہ نے غیر مقامی آرٹسٹ کی خدمت حاصل کی ہے تاکہ کشمیر کی خوبصورتی کو آرٹ کے ذریعے لوگوں تک پہنچایا جائے۔ محکمہ کی اس کوشش کی لوگوں نے کافی ستائش کی۔ سروانسو مانو نام کی خاتون آرٹسٹ کا کہنا ہے کہ وہ 6 لوگ دہلی اور ممبئی سے یہاں آئے ہیں اور کشمیر کی خوبصورتی کو اپنے آرٹ کے ذریعے لوگوں تک پہنچانے کی کوشش کر رہے ہیں۔ Painting Artist In Verinag
انہوں نے کہا کشمیر واقعی جنت کا ٹکڑا ہے اور یہاں کا ہر علاقہ سیاحتی اعتبار سے اہمیت کا حامل ہے۔ ایک اور آرٹسٹ کا کہنا ہے کہ کشمیر جتنا خوبصورت ہے، اتنا ہی یہاں کے لوگ بھی خوبصورت ہیں۔ انہوں نے کہا کہ جو لوگ ابھی تک کشمیر کی سیر نہیں کر پائے ہیں، انہیں ایک بار ضرور کشمیر آنا چاہیے۔ واضح رہے ویری ناگ کو گیٹ وے آف کشمیر کا درجہ حاصل ہے، تاہم سیاحتی اعتبار سے اس علاقہ کو کم اہمیت ملی ہے، ایسے میں اس طرح کی کوشش سے سیاحتی سرگرمیوں کو کتنا فروغ ملے گا یہ تو آنے والا وقت ہی بتائے گا۔
Tourist Footfall Low in Verinag?: ویری ناگ کی جانب سیاحوں کی عدم توجہی کیوں؟
