اس حوالے سے آج شام دیر گئے نتائج آنے کے بعد ان کی سرکاری رہائش گاہ پر کھنہ بل میں جشن کا ماحول دیکھنے کو ملا۔ اس موقعے پر ان کے یہاں مبارک بادی دینے کے لئے دور دور سے لوگ آرہے ہیں۔
اس موقع پر چودھری گلزار نے ای ٹی وی نمائندہ سے بات کرتے ہوئے کہا کہ میں لارنو کے عوام کا شکرگذار ہوں، جنہوں نے میری جیت کو یقینی بنایا۔
ان کا کہنا ہے کہ میری یہ تمنا تھی کہ میں لوگوں کی خدمت کروں۔ انہوں نے کہا کہ جس طرح سے لوگوں نے مجھ پر اعتماد اور بھروسہ جتایا ہے، ہم اپنی طرف سے پوری کوشش کریں گے کہ لوگوں کی امیدوں پر کھرا اتریں۔
مزید پڑھیں:
ڈی ڈی سی انتخابات کے نتائج: لائیو اپڈیٹس
پی ڈی پی کے سینئر لیڈر اور خالدہ بی بی کے شوہر چودھری گلزار کا کہنا ہے کہ ہم نے انتخابی کمپین میں لوگوں سے جو بھی وعدے کئے ہیں، ہم ان سب چیزوں کو عملی جامی پہنانے میں کوئی بھی کثر باقی نہیں رکھیں گے۔ لوگوں سے کیا ہوا ایک ایک وعدہ نبھائیں گے۔
