صنعت کاروں اور کارخانہ داروں کے لیے آن لائن ورکشاپ

ورکشاپ میں شرکاء کو جیم پورٹل کے ذریعے کشمیر میں تیار کردہ اشیاء کی مارکیٹنگ عمل میں لانے کی تربیت دی گئی۔

ضلع اننت ناگ میں جیم پورٹل رجسٹریشن کے لئے صنعت کاروں و کارخانہ داروں کے لیے آن لائن پروگرام کا اہتمام ہوا۔ یہ تربیتی کم جانکار ورکشاپ محکمہ فائنانس، ڈی آئی سی اننت ناگ اور اسٹیٹ ٹیکسز ڈپارٹمنٹ کے اشتراک سے منعقد ہوا۔ جس میں اننت ناگ ضلع کے کئی کارخانہ داروں اور صنعت کاروں نے شرکت کی۔

اس موقع پر ڈی سی اننت ناگ کلدیپ کرشن سدھا، اسٹیٹ ٹیکسز افسر حامد گنائی و دیگر افسران بھی موجود رہے۔ اس موقع پر شرکاء کو جیم پورٹل کے ذریعے کشمیر میں تیار کردہ اشیاء کی مارکیٹنگ عمل میں لانے کی تربیت دی گئی۔ ورکشاپ میں جی ایس ٹی کی وصولی پر بھی تبادلہ خیال ہوا۔