آگ کے شعلوں نے پوری فیکٹری کو اپنی لپیٹ میں لے لیا اور دیکھتے ہی دیکھتے پوری فیکٹری راکھ کے ڈھیر میں تبدیل ہوگئی۔
تفصیلات کے مطابق بجبہاڑہ کے حسین پورہ نامی علاقہ کے عبدالرمضان ڈانگہ کی بیٹ فیکٹری میں دوران شب اچانک سے آگ نمودار ہوئی جس کے شعلوں نے پوری فیکٹری کو اپنی لپیٹ میں لے لیا۔
مقامی لوگوں کے مطابق آگ لگنے کی اطلاع ملنے پر فائر بریگیڈ عملہ آگ کو قابو کرنے کے لئے موقعے پر تو پہنچا لیکن تب تک فیکٹری خاکستر ہوچکی تھی لیکن فائر بریگیڈ عملے کی بروقت کارروائی سے دوسری عمارتوں میں آگ پھیلنے پر قابو پایا گیا حالانکہ اس واقعے میں جانی نقصان کی کوئی اطلاع موصول نہیں ہوئی ہے۔
مقامی لوگوں نے آتشزدگی کے اس واقعے کی تصدیق کرنے کی مانگ کی اور مطالبہ کیا ہے کہ آگ متاثرہ شخص کے حق میں معاوضہ واگزار کیا جائے تاکہ پھر سے مذکورہ شخص کا کاروبار بحال ہوجائے اور وہ روزی روٹی کما سکے۔
