فوج کی 19 آر آر کی جانب سے اندو شانگس میں مفت میڈیکل کیمپ کا اہتمام

مقامی لوگوں نے فوج کی جانب سے اٹھائے گئے اس اقدام کی سراہنا کرتے ہوئے فوج کا شکریہ ادا کیا اور کہا کہ حکومت کی جانب سے ہمارے علاقے میں معقول طبی سہولیات کا انتظام نہیں ہے۔ تاہم وقتاً فوقتاً فوج کی جانب سے ان پسماندہ علاقوں میں ایسے میڈیکل کیمپ کا قیام عمل میں لایا جاتا ہے۔

ضلع اننت ناگ کے دور دراز علاقہ اندو شانگس میں فوج کی جانب سے ایک مفت طبی کیمپ کا انعقاد کیا گیا۔ جس دوران فوج کے طبی ماہرین نے علاقہ کے سینکڑوں لوگوں کا علاج و معالجہ کیا اور ان میں مفت ادویات بھی تقسیم کی۔ علاج کی سہولت حاصل کرنے والوں میں خواتین اوربچے بھی شامل تھے۔

مقامی لوگوں نے فوج کی جانب سے اٹھائے گئے اس اقدام کی سراہنا کرتے ہوئے فوج کا شکریہ ادا کیا اور کہا کہ حکومت کی جانب سے ہمارے علاقے میں معقول طبی سہولیات کا انتظام نہیں ہے۔ تاہم وقتاً فوقتاً فوج کی جانب سے ان پسماندہ علاقوں میں ایسے میڈیکل کیمپ کا قیام عمل میں لایا جاتا ہے اور علاج و معالجہ کے ساتھ ساتھ مفت ادویات بھی تقسیم کی جاتی ہیں۔ لوگوں کے مطابق فوج کی جانب سے طبی سہولیات کے علاؤہ بھی ہمارے علاقے میں بہت ساری خدمات انجام دے رہے ہیں، جیسے کہ بہت جگہوں پر بجلی کے ٹرانسفارمر نصب کیے اور کچھ علاقوں میں سٹریٹ لائٹس بھی نصب کی گئی ہیں۔'

میڈیکل کیمپ میں لوگوں کا علاج و معالجہ کرنے والے ڈاکٹر پردیپ نے ای ٹی وی کے ساتھ بات کرتے ہوئے کہاکہ فوج کی جانب سے لوگوں کو طبی سہولیات فراہم کرنے کے لیے سال میں تقریباً 30 سے 40 میڈیکل کیمپس کا اہتمام کیا جاتا ہے تاکہ عوام کی مدد کی جا سکیں۔ لیکن گذشتہ کچھ وقت سے کورونا وائرس کے پھیلاؤ کی وجہ سے ہم ایسے میڈیکل کیمپس کا اہتمام نہیں کر پائے تھے۔ آج ہم نے ایس او پیز کو دھیان میں رکھتے ہوئے لوگوں کے لیے ماسک اور گلوؤز مہیا کیے اور سماجی فاصلہ کے ساتھ لوگوں کا علاج و معالجہ کیا۔ اور آنے والے دنوں میں اور بھی بہت ساری جگہوں پر ایسے میڈیکل کیمپس کا انعقاد عمل میں لایا جائے گا۔'