کلہاڑی گرنے سے ایک شخص ہلاک

جنوبی کشمیر کے ضلع اننت ناگ کے کوکرناگ علاقے میں ایک شخص پر کلہاڑی گر گئی جس کے بعد اس کی موت ہو گئی۔

اطلاعات کے مطابق کانڈیوارہ کوکرناگ میں 45 سالہ منظور احمد شاہ نامی ایک شخص سفیدے کے درخت پر کلہاڈی لے کر چڑھ گیا۔ حادثاتی طور پر کلہاڑی اس کے سینے پر گرنے سے مذکورہ شخص درخت سے گر کر ہلاک ہو گیا۔ اگرچہ مقامی لوگوں نے مذکورہ شخص کو پی ایچ سی اکنگام منتقل کیا، تاہم وہ زخموں کی تاب نہ لا سکا۔

ہلاک شدہ کی شناخت منظور احمد شاہ ولد عبد الستار شاہ ساکینہ کانڈیوارہ کوکرناگ کے بطور ہوئی ہے۔