جنوبی کشمیر کےضلع اننت ناگ کے سرنل علاقہ میں ایک شخص نے اپنے گھر میں خود کو پھانسی لگا کر خودکشی کر لی ہے۔
مہلوک کی شناخت رئیس احمد وانی کے بطور ہوئی ہے جس کی عمر تقریبا پینتیس سال کے قریب بتائی جا رہی ہے۔
رئیس احمد پیشہ سے سومو ڈرائیور تھا جو اپنے پیچھے اپنی اہلیہ اور دو بچوں کو چھوڑ گیا۔
خودکشی کی وجوہات کا فوری طور پر پتہ نہیں چلا ہے، تاہم رئیس احمد نے اپنے کمرے میں پنکھے سے رسی لٹکا کر خود کو پھانسی لگا دی۔
ضلع ہسپتال اننت ناگ میں پوسٹ مارٹم کرنے کے بعد آخری رسومات ادا کرنے کے لیے لاش کو لواحقین کے حوالے کیا گیا۔
پولیس نے اس سلسلہ میں ایک معاملہ درج کرکے تحقیقات شروع کردی ہے۔
