جنوبی کشمیر کا ضلع اننت ناگ خصوصاً اپنے آبی ذخائر Water Body in Bijbehara کی وجہ سے کافی مقبول ہے، یہاں قدرت نے جہاں ایک طرف ضلع اننت ناگ کو بے شمار چشموں سے نوازا ہے، تو وہیں یہ بات بھی چھپی نہیں ہے کہ انتظامیہ کی جانب سے ان آبی ذخائر کے تئیں عدم توجہی کی وجہ سے یہ چشمیں سوکھ گئے ہیں اور کئی مقامی لوگوں کے ذریعے کوڑا کرکٹ ڈالے جانے کی وجہ سے یہ چشمے آلودہ ہو رہے ہیں۔
واضح رہے کہ اننت ناگ کے انتخابی حلقہ بجبہاڑہ کے امیرپورہ نمبل میں دہائیوں سے ایک چشمہ قائم ہے، پورا علاقہ اسی چشمے پر منحصر ہے، وہیں اس چشمے سے پانی حاصل کرنے کے لئے کئی پانی کی پائپیں بچھائی گئی ہیں۔
مقامی لوگوں کے مطابق علاقے میں پانی کی سہولیات میسر نہ ہونے سے انہیں اسی چشمے کا پانی استعمال کرنا پڑتا ہے، حالانکہ یہ چشمہ کافی آلودہ ہے۔
مقامی لوگوں کا کہنا ہے کہ وادی کشمیر میں متعدد قدرتی چشمے سُکھ گئے ہیں اور اگر انتظامیہ کی جانب سے انہیں کوئی تحفظ فراہم نہیں کیا گیا تو وہ دن دور نہیں جب یہ بھی اپنی موت آپ مریں گے۔
اس حوالے سے ای ٹی وی بھارت کے نمائدے نے جب یہ معاملہ بلاک ڈیولپمنٹ افیسر آشفین علی خان کی نوٹس میں لایا تو انہوں نے کہا کہ ہم نے اس سے پہلے بھی کئی چشموں کو تحفظ فراہم کروایا ہے۔
یہ بھی پڑھیں: اننت ناگ کے انزولہ علاقہ میں پینے کے پانی کی شدید قلت
وہیں اگر امیرپورہ میں قائم چشمہ کی بات کی جائے تو محکمہ دہی ترقی کی جانب سے مزکورہ چشمے کو 15 ایف سی میں رکھا گیا ہے، جیسے ہی اس کی منظوری ملے گی، مذکورہ چشمہ پر فینسنگ اور دیگر تعمیری کام شروع کروا دیے جائیں گے۔
انہوں نے کہا کہ مزکورہ علاقہ میں اس سے پہلے بھی صفائی ستھرائی کو لیکر کئی پروگرام کئے ہیں، جبکہ لوگوں کو بھی چاہیے کہ وہ ہمیں تعاون دیں، تاکہ ان کا علاقہ صاف ستھرا رہے۔
