کوکرناگ کے ٹنگپاوا ساگم میں آج شام دیر گئے مشتاق احمد بٹ ساکینہ ٹنگپاوا کے گھر میں گیس خارج ہونے کے نتیجے آگ نمودار ہوئی، جس کے نتیجے میں 3 افراد جھلس گئے۔
زخمیوں کو علاج و معالجہ کے لیے کوکرناگ کے سب ڈسٹرکٹ ہسپتال منتقل کیا گیا، جہاں سے تینوں افراد کو بہتر علاج کی غرض سے گورنمنٹ میڈیکل کالج اننت ناگ ریفر کردیا گیا۔
ذرائع کے مطابق جھلسنے والے تین افراد میں سے مشتاق احمد کی حالت تشویشناک ہے، جبکہ دو افراد جن میں سرتاج احمد بٹ ولد بشیر احمد اور جوزنین احمد ولد بشیر احمد کی حالت خطرے سے باہر بتائی جا رہی ہے۔ تینوں کا تعلق کوکرناگ کے ٹنگپاوا علاقے سے ہے۔
