ایگریکلچر کمپلیکس مٹن میں کسان میلہ کا انعقاد

اے ڈی سی نے اس موقع پر موجود زرعی برادری کو بھی زراعت سے منسلک جدید ٹیکنالوجی اور نئی اسکیموں کے بارے میں آگاہی دی اور متعلقہ محکمہ کے ساتھ تعاون کر کے اسکیموں سے استفادہ کرنے پر زور دیا۔

ایڈیشنل ڈپٹی کمشنر اننت ناگ غلام حسن شیخ نے "کسان پکھواڑہ" کے تحت محکمہ زراعت اور اس سے منسلک شعبہ جات کے زیر اہتمام ایگریکلچر کمپلیکس مٹن میں ایک کسان میلہ کا افتتاح کیا۔

اس موقع پر غلام حسن شیخ نے خطاب کرتے ہوئے کہا کہ زراعت کا شعبہ یہاں کے معیشت کی ریڑھ کی ہڈی ہے اور زندگی سے جڑی تمام سرگرمیاں پوری طرح کاشتکار برادری پر منحصر ہے۔ انہوں نے افسران پر زور دیا کہ وہ اس شعبہ پر پوری توجہ دیں اور کاشتکاروں کو اپنی زراعت کی پیداوار کو بڑھانے کے لئے درکار تمام سہولیات فراہم کریں۔اے ڈی سی نے اس موقع پر موجود زرعی برادری کو بھی زراعت سے منسلک جدید ٹیکنالوجی اور نئی اسکیموں کے بارے میں آگاہی دی۔ اور متعلقہ محکمہ کے ساتھ تعاون کر کے اسکیموں سے استفادہ کرنے پر زور دیا۔انہوں نے زراعت اور اس سے وابستہ محکموں کی جانب سے لگائے گئے مختلف اسٹالوں کا بھی دورہ کیا۔اس موقعہ پر چیف ہارٹیکلچر افسر، ایگریکلچر، پھول بانی و شعبہ زراعت سے جڑے کئی افسران موجود رہے۔