اننت ناگ: اننت چتر دشی کے موقع پر اننت ناگ کے اندر ناگ میں ایک خصوصی تقریب کا اہتمام کیا گیا۔ تقریب میں ملک کے مختلف حصوں میں مقیم کشمیری پنڈتوں کی ایک خاصی تعداد نے شرکت کی۔ اس موقع پر بھگوان اننت کی پوجا کی گئی، جبکہ ایک ہون کا بھی اہتمام کیا گیا۔
اس موقعہ پر کشمیری پنڈت نے اننت بھگوان کی زندگی کے بارے میں تفصیلی روشنی ڈالی۔ ہندو مذہب کے مطابق اننت بھگوان نے اننت ناگ کے اندر ناگ میں کئی سالوں تک پوچا کی اور انہوں نے ہندو مذہب کو عام کرنے کے لیے اپنے آپ کو وقف کیا۔انہوں نے اپنی زندگی میں امن و امان بھائی چارے کی پہلی کو ترجیح دی۔ بھگوان اننت کے دہانت کے بعد اننت ناگ ضلع کو بھگوان اننت کا نام دیا گیا۔ ضلع بھر میں چشموں کی کافی تعداد موجود ہونے کی وجہ سے ان کے نام سے ناگ جوڑ دیا گیا اور اننت ناگ نام سے ناگ جوڑا گیا اور ضلع کو اننت ناگ دیا گیا۔
اس موقع پر کشمیری پنڈتوں نے مقامی مسلمانوں کا شکریہ ادا کرتے ہوئے کہا کہ سال 1989 سے پہلے بھی مقامی مسلمان پنڈتوں کے ہر تہوار کو کامیاب بنانے میں پیش پیش رہتے تھے اور آج اننت ناگ کے مسلمانوں نے پھر ایک بار ثابت کر دیا۔ انہوں نے گورنر انتظامیہ اور وزیر اعظم نریندر مودی اور وزیر داخلہ کا بھی شکریہ ادا کیا۔
مزید پڑھیں: Religious And Communal Harmony اننت ناگ کا اندر ناگ شیر باغ مذہبی ہم آہنگی کا اہم مقام
اس سے قبل اننت ناگ کے تاریخی مندر دیوی بل میں بھی مورتی استھاپن کیا گیا۔ عقیدت مندوں نے مقامی لوگوں کے تعاون کی بڑی سراہنا کرتے ہوئے کہا کہ یہ تہوار نہ صرف مذہبی بلکہ بھائی چارے کے تناظر سے بھی کافی اہمیت کے حامل ہیں۔
