جنوبی ضلع اننت ناگ کے کوکرناگ کے حالی پورہ کے لوگوں نے شکایت کی ہے کہ علاقہ میں بہنے والے نالہ میں بارش کے آیام میں طغیانی آتی ہے، جس کے نتیجے میں لوگوں کے آنگن میں پانی جمع ہو جاتا ہے اور گھروں سے نکلنا محال ہوجاتا ہے۔
مقامی لوگوں کا کہنا ہے کہ جب بھی بارش ہوتی ہے تو نہ صرف مکینوں کو پانی کے تیز بہاؤ سے خطرہ رہتا ہے بلکہ املاک میں دراڑیں پڑ جاتی ہیں۔
لوگوں کا کہنا ہے کہ انہوں نے کئی بار متعلقہ محکمہ کو اس مسئلہ سے واقف کرایا تاہم آج تک انہیں صرف یقین دہانیاں ہی کروائی گئیں۔
ای ٹی وی بھارت کے نمائندے نے جب فون پر یہ مسئلہ بی ڈی او مظفر احمد کی نوٹس میں لانا چاہا تو انہوں نے فون اٹھانے کی زحمت نہیں کی۔
مقامی لوگوں نے ایل جی انتظامیہ سے درخواست کی ہے کہ ان کے اس مشکلات کو دور کرنے میں اقدامات اٹھائیں جائے۔
یہ بھی پڑھیں: کوکرناگ: رابطہ سڑک خستہ حال، کثیر آبادی کو مشکلات کا سامنا
لوگوں نے لیفٹیننٹ گورنر سے گزارش کی ہے کہ مذکورہ محکمہ کو ہدایات جاری کرکے لوگوں کو پیش آنے والی دقتوں سے نجات ملے اور لوگ راحت کی سانس لیں۔
