اننت ناگ: آتشزدگی میں دھان کی فصل خاکستر

پولیس نے نامعلوم افراد کے خلاف دھان کی فصل کو آگ لگانے کا مقدمہ درج کیا ہے۔

جموں و کشمیر کے ضلع اننت ناگ کے ڈیٹھو گاؤں میں بدھ کی شام اس وقت لوگ خوف و ہراس میں مبتلا ہوگئے، جب نامعلوم افراد نے جمع رکھی ہوئی دھان کی فصل کو نذر آتش کردیا۔

اطلاعات کے مطابق حلقہ شانگس کے گاؤں ڈیٹھو میں نامعلوم افراد نے کاشت کی جانے والی دھان کی فصل کو نذر آتش کر کے راکھ میں تبدیل کر دیا۔

دریں اثنا گاؤں کے لوگوں نے آتشزدگی پر قابو پانے کی پوری کوشش کی لیکن تب تک دھان کی فصل خاکستر ہو گئی تھی۔ اس معاملے میں پولیس نے مقدمہ درج کر لیا اور مزید تفتیش شروع کردی ہے۔