احتجاجیوں نے قصبہ اننت ناگ کے لال چوک سے ضلع ترقیاتی کمشنر دفتر تک ایک احتجاجی ریلی نکالی اور ضلع ترقیاتی کمشنر اننت کو ایک میمورنڈم بھی پیش کیا۔
احتجاجیوں کا کہنا تھا کہ انتظامیہ ان کے ساتھ کئے گئے وعدوں کو پورا کرنے میں پوری طرح ناکام ہو چکی ہے۔
ان کا کہنا تھا کہ انہیں بنیادی حقوق سے محروم رکھا گیا ہے۔ جس کے سبب وہ سماج میں خود کو الگ تھلگ محسوس کر رہے ہیں۔
معذور افراد کا کہنا تھا کہ سرکار نے انہیں چار پہیوں والی سِکُوٹی، گولڈن کارڈز، بلاک اسکیموں میں پانچ فیصد ریزرویشن، اسکالرشپ، راشن کارڈز کی دستیابی و دیگر کئی مطالبات کو ابھی تک پورا نہیں کیا گیا جس کی وجہ سے انہیں روز مرہ کی زندگی کے دوران کافی دقتوں کا سامنا کرنا پڑتا ہے۔
ان کا کہنا ہے کہ وہ اپنے حقوق کی بازیابی کے لئے لڑتے رہیں گے۔
انہوں نے متنبہ کیا کہ اگر ان کی دیرینہ مانگوں کو جلد سے جلد پورا نہیں کیا گیا تو وہ بھوک ہڑتال کریں گے۔
