وادی کے مختلف علاقوں کے ساتھ ساتھ جنوبی ضلع اننت ناگ کے کوکرناگ میں واقع کھارپورہ علاقے میں ژالہ باری کے نتیجے میں باغ مالکان کو شدید نقصان ہوا ہے۔ اس کے باعث باغ مالکان مایوسی کے شکار ہوئے ہیں۔
باغ مالکان نے ای ٹی وی بھارت کو فون پر بتایا کہ بارش کے سبب مذکورہ علاقے میں زور دار ژالہ باری ہوئی ہے، جس کے سبب مختلف باغات میں سیب کے درختوں سے نکلا ہوا کچا پھل نیچے گر گیا۔
اگرچہ باغ نے اپنے باغات میں مختلف ادویات کے کئی چھڑکاؤ کیے تھے، تاہم شدید ژالہ باری کے نتیجے میں وہ سب بے سود ہی ثابت ہوا ہے۔ اس صنعت سے وابستہ افراد کو لاکھوں روپے کے نقصان سے دو چار ہونا پڑا۔
یہ بھی پڑھیں: آن لائن کلاسیز میں مشکلات
انہوں نے محکمہ باغبانی سے مطالبہ کیا ہے کہ وہ نقصان کا تخمینہ لگا کر باغ مالکان کو مالی امداد فراہم کریں، تاکہ باغ مالکان کو کچھ حد تک راحت مل جائے۔
