جنوبی ضلع اننت ناگ کے حلقہ انتخاب کوکرناگ کے لارنو میں آج سیوک ایکشن پروگرام کے تحت سی آر پی ایف کی 164 بٹالین نے مفت طبی کیمپ کا انعقاد کیا، جس میں سی آر پی ایف کے طبی ماہرین نے مقامی لوگوں کا علاج و معالجہ کیا اور مریضوں میں مفت ادویات بھی تقسیم کی گئی۔
اننت ناگ: لارنو میں مفت میڈیکل کیمپ کا انعقاد
اس موقع پر سی آر پی ایف کے اعلیٰ افسران بھی موجود تھے، مفت طبی کیمپ سے استفادہ کرنے والے مریضوں نے سی آر پی ایف کا شکریا ادا کیا اور کہا کہ مستقبل میں بھی ایسے طبی کیمپ لگائے جائیں تاکہ غریب عوام اسے سے فائدہ حاصل کرتے رہیں۔
اس موقع پر سی آر پی ایف کے کمانڈنگ آفیسر برج لال نے بتایا کہ سیوک ایکشن پروگرام کے تحت آج اس کیمپ کا اہتمام کیا گیا، انہوں نے کہا کہ ایسے کیمپ کا انعقاد سی آر پی ایف کی جانب سے مختلف مقامات پر بھی کیے جارہے ہیں تاکہ غریب لوگوں کو راحت پہنچائی جاسکے۔
