کورونا وائرس کی صورتحال کے دوران ہسپتالوں میں اور خاص کر کورونا وبا میں مبتلا مریضوں اور تیمارداروں کو صاف و شفاف کھانے کی سپلائی کو یقینی بنانے کے لئے محکمہ فوڈ اینڈ سیفٹی کی جانب سے موبائل ٹیسٹنگ کا عملہ متحرک ہے۔تاکہ موقعہ پر ہی اشیا خوردنی کی جانچ کی جائے۔
موبائل ٹیسٹنگ وین نے عملہ سمیت اننت ناگ کے مختلف ہسپتالوں میں جاکر کھانے پینے کی اشیا کے نمونے حاصل کیے اور موقعہ پر موبائل لیب میں ٹیسٹنگ کی گئی۔
لوگوں نے انتظامیہ کے اس قدم کی تعریف کرتے ہوئے کہا کہ'یہ عمل صرف اور صرف وبائی صورتحال کے دوران نہیں بلکہ سال بھر جاری رہنا چاہئے۔ تاکہ صاف اور صحت بخش اشیا خوردنی کی سپلائی کو یقینی بنایا جا سکے اور ملاوٹ خور باز آجائیں۔
ٹیم میں موجود متعلقہ محکمہ کی افسر پروینہ مرازی کے مطابق ڈائریکٹر فوڈ اینڈ سیفٹی کی ہدایت پر اس وبائی صورت حال کے پیش نظر ضلع میں کھانے پینے کی اشیا کی جانچ کے لیے یہ مہم چلائی جارہی ہے جو آگے بھی جاری رہے گی۔
