مرکز کے زیر انتظام جموں و کشمیر کے اننت ناگ کے پہرو علاقے میں سیلابی صورتحال کی وجہ سے عام زندگی درہم برہم ہوگئی ہے۔ کل شام سے ہورہی بارش کی وجہ سے اننت ناگ کے کچھ علاقے زیر آب ہو گئے ہیں۔
لوگوں کے مطابق گاؤں میں ناکارہ ڈرینج سسٹم اور ناجائز تجاوزات کی وجہ سے معمولی بارش سے علاقے میں سیلابی صورتحال پیدا ہوجاتی ہے۔ جب کہ تیز آندھی اور موسلادھار بارش کی وجہ سے تباہی مچ گئی۔ تیز آندھیوں سے کئی رہائشی مکانات و تعمیرات کو نقصان پہنچا اور لوگ خوفزدہ ہوگئے تو وہیں پانی رہائشی مکانات میں داخل ہوگیا۔
یہ بھی پڑھیں: اننت ناگ: بجلی کرنٹ لگنے سے مزدور ہلاک
لوگوں کا الزام ہے کہ ان علاقوں میں ناقص ڈرینج سسٹم کا خمیازه اکثر و بیشتر عوام کو بھگتنا پڑتا ہے جب کہ فلڈ چینلز کی کمی کے باعث مشکلات میں اضافہ ہوتا ہے۔
یہ بھی پڑھیں: اننت ناگ: اسمگل کی جا رہی تعمیراتی لکڑی ضبط، اسمگلر فرار
لوگوں کا کہنا ہے کہ متعلقین اور سرکار کی نوٹس میں یہ مسائل لانے کے باوجود بھی تاحال یہ مسائل حل نہیں ہوئے ہیں۔
