اننت ناگ: جنوبی کشمیر کے ضلع اننت ناگ کے گوپال پورہ علاقے میں گزشتہ شام ایک پانچ سالہ بچی تیندوے کے حملے میں ہلاک ہو گئی۔ جس کے بعد علاقے کے لوگوں میں خوف پیدا ہو گیا۔ تفصیلات کے مطابق اننت ناگ کے گوپال پورہ خرد علاقے میں پچھلے کئی روز سے تیندوا گھوم رہا تھا جس کی اطلاع محکمہ وائلڈ لائف کو دی گئی تھی۔ Leopard killed Five Year Girl in Anantnag
تیندوے کو پکڑنے کے لیے علاقے میں جھال بچھایا گیا تاہم شام میں ایک تیندوا نمودار ہوا جس نے پانچ سال بچی کو اپنا شکار بنایا۔ بچی کی شناخت زبیدہ جان دختر غلام محی الدین چوپان کے طور پر ہوئی ہے۔ بچی اپنے صحن میں کھیل رہی تھی تبھی تیندوے نے زخمی کر دیا۔ اہل خانہ اور مقامی لوگوں نے بچی کو شدید زخمی حالت میں گورمنٹ میڈیکل کالج اننت ناگ میں داخل کیا جہاں ڈاکٹروں نے بچی کو مردہ قرار دے دیا۔ Five Year Girl Died in Leopard Attack in Anantnag
یہ بھی پڑھیں: Leopard Attack in Baramulla: تیندوے کے حملے میں تین بچے ہلاک
موت کی خبر پھیلتے ہی علاقے میں کہرام مچ گیا اور محکمہ وائلڈ لائف کے خلاف زبردست ناراضگی کا اظہار کیا۔ علاقے کے لوگوں نے محکمہ سے اپیل کرتے ہوئے کہا کہ تیندوے کو جلد از جلد پکڑا جائے تاکہ علاقے کے لوگ راحت کی سانس لے سکے۔ دوسری جانب پولیس نے اس سلسلے میں ایک کیس درج کر لیا ہے۔
