گڈول کے جنگلات میں آگ نمودار

آگ سے جنگل کے وسیع علاقہ کو نقصان پہنچا ہے۔ فوج کی انیس آرآر، فائر اینڈ ایمرجنسی، محکمہ جنگلات اور مقامی لوگوں کی انتھک کوششوں کے بعد آگ پر قابو پا لیا گیا ہے۔

جنوبی کشمیر کے کوکرناگ کے گڈول علاقہ کے جنگل میں گذشتہ شام دیر گئے آگ نمودار ہوئی جس سے جنگل کو شدید نقصان پہنچا ہے۔

تفصیلات کے مطابق کوکرناگ کے گڈول علاقہ کی جنگلاتی اراضی کمپارٹمنٹ نمبر 98 میں گذشتہ شام آگ نمودار ہوئی، جس نے آناً فاناً جنگل میں موجود کئی درختوں کو اپنی لپیٹ میں لیا۔

آگ سے جنگل کے وسیع علاقہ کو نقصان پہنچا ہے۔ فوج کی انیس آرآر، فائر اینڈ ایمرجنسی، محکمہ جنگلات اور مقامی لوگوں کی انتھک کوششوں کے بعد آگ پر قابو پالیا ہے۔محکمہ جنگلات کے ایک عہدیدار نے بتایا کہ خشک سالی کی وجہ سے جنگلوں میں آگ لگنا عام بات ہے۔ انہوں نے کہا کہ علاقے میں موجود 19 آر آر، محکمہ جنگلات کے ملازمین اور عام شہریوں کے فوری ردعمل کی وجہ سے آگ پر قابو پالیا گیا یے۔ تاہم اندھیرا ہونے کے سبب ابھی تک نقصان کا اندازہ نہیں لگایا جاسکا۔