تفصیلات کے مطابق پولیس نے مصدقہ اطلاع موصول ہونے کے بعد ضلع ہسپتال و میڈیکل کالج اننت ناگ میں ایک شخص کو گرفتار کیا ہے جو خود کو لیب اسسٹنٹ بتا رہا تھا۔
بتایا جا رہا ہے کہ مذکورہ شخص عام لوگوں کو دھوکہ دے کر جانچ کے نمونے حاصل کرنے کے بعد انہیں جعلی رپورٹ دے رہا تھا، جس کے بدلے اُن سے بھاری رقم وصول کر کے لوٹ رہا تھا۔
مجرم کی شناخت ضلع اننت ناگ کے اشاجی پورہ کے رہنے والے ہاشم منظور وگے کے طور پر ہوئی ہے۔
شکایت موصول ہونے کے بعد پولیس نے مذکورہ شخص کو جعلسازی اور دھوکہ دہی کے الزام میں گرفتار کیا ہے اور جنگلات منڈی پولیس چوکی میں ایک معاملہ درج کرکے مزید تحقیقات شروع کی گئی ہے۔
