جنوبی ضلع اننت ناگ کے علاقہ وائلو کوکرناگ علاقہ میں سکیورٹی فورسز اور عسکریت پسندوں کے درمیان تصادم شروع ہو گیا ہے جس میں تین عسکریت پسند ہلاک ہو گئے ہیں۔
جموں و کشمیر پولیس نے ٹویٹر پر ہلاکتوں کی تصدیق کی۔
انہوں نے ٹویٹ میں لکھا: 'جموں و کشمیر کے وائلو کوکرناگ علاقہ میں پیش آئے تصادم میں تین عسکریت پسند ہلاک کئے گئے ہیں۔ تلاشی مہم جاری ہے۔'
پولیس نے انکاؤنٹر کے حوالے سے ایک بیان جاری کیا ہے جس میں انہوں نے ہلاک شدہ عسکریت پسندوں کی شناخت الیاس احمد ڈار عرفسمیر ساکنہ دنوتھ پورہ کوکرناگ، عبید شفع عمر عبداللہ ساکنہ بٹہ مالو سرینگر اور عاقب احمد عرف ساحل ساکنہ کھانڈے پورہ کولگام کے طور کی ہے۔
پولیس کے مطابق تینوں کا تعلق لشکر طیبہ عسکری تنظیم سے تھا۔
پولیس نے دعویٰ کیا ہے کہ عبید شفع عسکریت پسند آری باغ نوگام سرینگر میں کنسٹبل رمیز احمد کی ہلاکت میں ملوث تھا۔
پولیس نے انکاؤنٹر کے مقام سے ایک اے کے 47 لائفل، دو پستول بھی برامد کئے ہیں۔
اس سے قبل فوج کی 19 آر آر، سی آر پی ایف اور جموں و کشمیر پولیس نے وائلو علاقہ میں تلاشی مہم شروع کی تھی جو بلآخر مسلح تصام میں تبدیل ہوئی۔
پولیس بیان کے مطابق عسکریت پسندوں کو ہتھیار ڈالنے کی پیش کش کی گئی تھی تاہم انہوں نے اسے ٹھکرا دیا اور فوج پر اندھا دھند فائرنگ شروع کر دی۔
طرفین کے درمیان فائرنگ کے نتیجہ میں تین عسکریت پسند ہلاک ہو گئے۔
