کوڑا جمع کرنے کے لیے 'ڈور ٹو ڈور' مہم

جنوبی کشمیر کے ضلع اننت ناگ میں ویسٹ منیجمنٹ پروگرام کو عملی جامہ پہنانے کی غرض سے میونسپل کونسل نے کوڑا کرکٹ جمع کرنے کے لیے 'ڈور ٹو ڈور' مہم کا آغاز کیا ہے۔

اس سلسلے میں اننت ناگ کے ٹاؤن ہال میں ایک تقریب منعقد کی گئی اس موقع پر ڈی سی اننت ناگ ، ڈاکٹر پیوش سنگلا نے میونسپل کونسل اننت ناگ کے صدر ہلال احمد شاہ اور سی ای او، سید یاسر کی موجودگی میں چار ہوپرس گاڑیوں کا افتتاح کیا۔

یہ ہوکر گاڑیاں فی الحال 4 میونسپل وارڈوں میں لوگوں کے لیے مختص رہینگے۔ جس سے ان علاقوں میں صفائی کرنے میں خاک روبوں کو کافی آسائش ہو گی۔ اور ان علاقوں میں اب گندگی و غلاظت کے ڈھیر نظر نہیں آئے گے۔ڈی سی نے کہا کہ آنے والے وقت میں مزید ہوپرس کو کام پر لگایا جاۓ گا اور اس اقدام سے نہ صرف لوگوں کو آسائش فراہم ہوگی بلکہ ماحولیات کو صاف رکھنے میں بھی مدد ملے گی۔ اور عوام سے تعاون کی اپیل کی گئی۔