ڈویژنل کمشنر کشمیر کا اننت ناگ دورہ

صوبائی کمشنر کشمیر پی کے پولے نے ضلع اننت ناگ میں جنوبی کشمیر کے چار اضلاع کے افسران سے ایک میٹنگ طلب کی۔

جنوبی کشمیر کے مختلف اضلاع کے امور کا جائزہ لیتے ہوئے ڈویژنل کشمیر پی کے پولے نے افسران سے اپیل کی کہ وہ اپنے اپنے دفاتر میں لوگوں تک رسائی حاصل کریں تاکہ عوامی مسائل جلد حل ہو جائے۔

اجلاس میں موجود تمام افسران سے اپیل کی کہ وہ بیک ٹو ویلیج پروگرام کو کامیاب بنانے میں اپنا قلیدی رول ادا کریں۔ انہوں نے اننت ناگ، پلوامہ، کولگام اور شوپیاں سمیت جنوبی کشمیر کے چاروں اضلاع کے افسران سے اننت ناگ کے ڈاک بنگلو میں ایک اجلاس منعقد کیا ۔ ڈویژنل کمشنر کشمیر پی کے پولے نے آج اننت ناگ کا دورہ کیا اور اجلاس کی صدارت کرتے ہوئے محکمہ ریونیو سے متعلق مختلف امور پر تبادلہ خیال کیا۔ اجلاس میں ڈیجیٹل انڈیا لینڈ ریکارڈ ماڈرنائزیشن پروگرام (ڈی ایل آر ایم پی) کے تحت کیے جانے والے اراضی کے ریکارڈوں کی ڈیجیٹلائزیشن کی پیشرفت اور زمینی اصلاحات کو آگے بڑھانے کے سلسلے میں بھی تبادلہ خیال کیا گیا۔

پی کے پولے نے ان تمام اہم امور کا تفصیلی جائزہ لیا جس میں اراضی کے حصول کے معاملات ، اراضی کے معاوضے ، ریاست اور کاہ چرائی کی اراضی کی بازیابی ، محکمہ ریونیو میں جاری ترقیاتی کاموں کی رفتار اور پوزیشن شامل ہیں ۔ انہوں نے تمام غیرقانونی اندراجات کو اراضی کے ریکارڈ سے خارج کرنے کی بھی ہدایت دی


ڈی سی کولگام اور ڈی سی شوپیاں نے اپنے اپنے اضلاع کے محصولات سے وابستہ امور کے حوالے سے ڈویژنل کمشنر کی بھی جانکاری کی۔


اجلاس میں ڈپٹی کمشنر پلوامہ ڈاکٹر راگھ لنجر ، ڈی سی شوپیاں محمد چودھری یٰسین ، ڈی سی کولگام شوکت اعجاز اور ڈی سی اننت ناگ کے کے سدھا کے علاوہ اے ڈی سی، اے سی آر، ایس ڈی ایم اور تحصیلداروں نے شرکت بھی شرکت کی۔