ڈی سی اننت ناگ نے میوہ منڈی کا دورہ کیا

دورہ کے دوران فیس ماسک بھی تقسیم کئے اور لوگوں کو کاروباری سرگرمیوں کے دوران سوشل ڈسٹینسنگ کا خاص خیال رکھنے کی تلقین کی۔

اننت ناگ کی اشاجی پورہ سبزی منڈی کو بیٹنگو فروٹ منڈی منتقل کیا گیا۔ جس کے بعد یہاں پر کاروباری سرگرمیاں شروع کی گئی ہیں۔
اس سلسلے میں ڈی سی اننت ناگ بشیر احمد ڈار نے افسران کے ہمراہ منڈی کا دورہ کیا اور وہاں پر فیموگیشن ٹنل کا افتتاح کیا۔

اس دوران انہوں نے وہاں پر موجود لوگوں میں فیس ماسک بھی تقسیم کئے اور لوگوں کو کاروباری سرگرمیوں کے دوران سوشل ڈسٹینسنگ کا خاص خیال رکھنے کی تلقین کی۔ ڈی سی کے مطابق لاک ڈاؤن کے نفاذ اور لوگوں تک اشیائے ضروریہ کی سپلائی کو یقینی بنانے کے لیے بیٹنگو منڈی کو چالو کیا گیا ہے۔