ڈی سی اننت ناگ کی محکمہ دیہی ترقی کے ساتھ جائزہ میٹنگ

ڈاکٹر سنگلا نے افسران پر زور دیا کہ وہ اراضی  تنازعے سے جڑے معاملات، غیر قانونی تجاوزات پر عمل درآمد کریں اور ان معاملات کو متعلقہ عہدیداروں کی نوٹس میں لائیں تاکہ ان معاملات کا ازالہ ممکن بنایا جا سکے۔

ضلع ترقیاتی کمشنر اننت ناگ ڈاکٹر پیوش سنگلا نے محکمہ دیہی ترقی کے افسران کے ساتھ جائزہ میٹنگ منعقد کی۔

اس موقعہ پر ڈاکٹر پیوش سنگلا نے متعلقہ افسران کو مختلف دیہی ترقیاتی منصوبوں پر عملدرآمد کے لئے منصوبہ بندی کی ہدایت دی۔

انہوں نے افسران کو ہدایت دی کہ وہ تمام ترقیاتی منصوبوں کی رپورٹ بر وقت پیش کریں تاکہ ان تمام منصوبوں کی منظوری کو یقینی بنایا جائے تاکہ مقررہ مدت کے اندر انہیں مکمل کیا جائے۔

ڈاکٹر سنگلا نے افسران پر زور دیا کہ وہ اراضی تنازعے سے جڑے معاملات، غیر قانونی تجاوزات پر عمل درآمد کریں اور ان معاملات کو متعلقہ عہدیداروں کی نوٹس میں لائیں تاکہ ان معاملات کا ازالہ ممکن بنایا جا سکے۔

میٹنگ میں متعلقہ محکمہ کے ایگزیکٹو انجینئر، جونیئر انجنئیر و دیگر افسران موجود رہے۔