Demolition Drive In Kokernag کوکرناگ کے لارنو علاقے میں انہدامی کارروائی، کئی ڈھانچے مسمار

جنوبی ضلع اننت ناگ کے کوکرناگ کے لارنو علاقے میں سب ڈویژنل انتظامیہ کوکرناگ نے ڈپٹی کمشنر کی ہدایت پر آج غیر قانونی طور تعمیر کیے گئے کئی ڈھانچوں کو منہدم کر دیا۔ انتظامیہ کے مطابق منہدم کیے گئے ڈھانچے ’’کوکرناگ ماسٹر پلان‘‘ کی خلاف ورزی کرتے ہوئے تعمیر ہو رہے تھے۔Demolition Drive In Larnoo Kokernag

اننت ناگ: سب ڈویژنل انتظامیہ کوکرناگ نے آج مت ہندو، گڑیدرامن اور لارنو کوکرناگ میں تقریباً آدھے درجن ڈھانچوں کو منہدم کر دیا۔ تفصیلات فراہم کرتے ہوئے ایس ڈی ایم کوکرناگ نے کہا کہ غیر قانونی تعمیرات کے سلسلے میں ڈی سی اننت ناگ ڈاکٹر بشارت قیوم کی جانب سے جاری کردہ ہدایات کے پیش نظر ریونیو، کے ڈی اے، ایم سی کوکرناگ اور جموں کشمیر پولیس کی مشترکہ ٹیموں کے اشتراک سے ناجائز تجاوزات کو منہدم کرنے کی مہم چلائی گئی اور اس مرحلے کے دوران تقریباً آدھے درجن تعمیراتی ڈھانچوں کو منہدم کر دیا گیا۔‘‘Demolition Drive In Larnoo Kokernag

انہوں نے مزید کہا کہ ’’کوکرناگ ماسٹر پلان کی خلاف ورزی کرتے ہوئے تعمیر کیے گئے کئی ڈھانچوں کی نشاندہی پہلے ہی کی جا چکی ہے اور آنے والے چند روز کے اندر انہیں بھی منہدم کیا جائے گا۔‘‘Kokernag Master Plan Violation

واضح رہے کہ ڈی سی اننت ناگ نے کوکرناگ ماسٹر پلان کی خلاف ورزی کرتے ہوئے تعمیر کی گئی سبھی ڈھانچوں کی نشاندہی کرنے اور انہیں منہدم کرنے کے لیے ایک خصوصی ٹاسک فورس تشکیل دی تھی۔