اطلاعات کے مطابق دورے کے دوران خالد جہانگیر نے کالج کے مختلف بلاکس پر چل رہے کام کا جائزہ لیا۔
اس موقع پر کالج کے پرنسپل اور جموں و کشمیر پروجیکٹس کنسٹریکشن کارپوریشن لمیٹد کے افسران موجود تھے۔
خالد جہانگیرس نے جموں و کشمیر پروجیکٹس کنسٹریکشن کارپوریشن لمیٹد (جے کے پی سی سی) کے ڈی جی ایم پر زور دیا کہ وہ میڈیکل کالج پر کام کی پیشرفت کو تیز کرے اور رواں مالی سال کے اندر کام کو مکمل کرے۔
انہوں نے اضافی مشینری استعمال کرکے لیکچر ہالز سمیت کالج کے مختلف بلاکس کو مکمل کرنے پر زور دیا۔ ڈی ڈی سی نے لارکی پورہ میں بن رہے پُل کا بھی جائزہ لیا، جہاں ایگزیکٹو انجینئر آر اینڈ بی ڈویژن قاضی گنڈ نے ڈی ڈی سی کو پل پر پیشرفت کی رفتار کے بارے میں آگاہی فراہم کی۔
ڈی ڈی سی نے ایگزن سے علاقے کی بڑی آبادی کو فائدہ پہنچانے کے لیے ترقی کی رفتار تیز کرنے اور مقررہ مدت کے اندر پُل کی تعمیر مکمل کرنے کو کہا۔
