ڈی سی اننت ناگ نے تعمیراتی کاموں کا جائزہ لیا

ضلع ترقیاتی کمشنر اننت ناگ نے آج ضلع کے کئی علاقوں کا دورہ کیا اور وہاں جاری ترقیاتی کاموں کا جائزہ لیا۔

تفصیلات کے مطابق تعمیراتی کاموں کا جائزہ لینے کی غرض سے ڈی سی اننت ناگ کلدیپ کرشن سدھا اور میونسپل کونسل اننت ناگ کے صدر ہلال احمد شاہ نے کئی علاقوں کا دورہ کرکے ترقیاتی کاموں کا جائزہ لیا۔

ضلع ترقیاتی کمشنر نے افسران کو ہدایات دی کہ تعمیراتی پروجیکٹس کو جلد از جلد مکمل کیا جائے، تاکہ لوگوں کو مزید مشکلات درپیش نہ ہوں۔ انہوں نے تعمیراتی کاموں بارے میں جانکاری حاصل کی۔

وہیں کلدیپ کرشن سدھانے لاک ڈاؤن کے دوران علاقوں میں پیدا شدہ صورتحال کا بھی جائزہ لیا گیا۔
اس موقع پر نئے جدید طرز کے بس ٹرمنل کے لیے اورنہال بجبہاڑہ میں جگہ کے انتخاب اور دیگر ترقیاتی پروجیکٹوں کی عمل آوری کے سلسلے میں بھی تیاریوں کا جائزہ لیا گیا۔