اننت ناگ میں ایس ایس بی امتحان کی تمام تر تیاریاں مکمل

جے کے ایس ایس بی کی جانب سے منگل کے روز لئے جانے والے امتحان کے لئے ضلع انتظامیہ اننت ناگ کی جانب سے تمام تر انتظامات کو حتمی شکل دے دی گئی ہے۔

اس بات کی جانکاری ضلع ترقیاتی کمشنر اننت ناگ کے کے سدھا نے اننت ناگ میں ایک پریس کانفرنس کے دوران دی۔

انہوں نے کہا کہ 'ضلع اننت ناگ میں امیدواروں کی کل تعداد 12978 ہے جبکہ اس سلسلہ میں 54 امتحانی مراکز قائم کئے گئے ہیں ۔'

ڈی سی نے کہا کہ 'امتحان کووڈ 19 کے مکمل پروٹوکول کے تحت انجام دیا جائے گا،۔امتحانی مراکز میں سینٹائزرس، ماسکس اور گرمی فراہم کرنے والے آلات کو میسر رکھا گیا ہے۔'

وہیں امتحان کو صاف و شفاف طریقہ سے انجام دینے کے لئے سکیورٹی کے معقول انتظامات کئے گئے ہیں۔