اننت ناگ: گرینیڈ حملہ میں سی آر پی ایف اہلکار ہلاک

کسی بھی عسکری تنظیم نے اس حملے کی ذمہ داری قبول نہیں کی ہے۔

جموں و کشمیر کے جنوبی ضلع بجبہاڑہ میں مبینہ عسکریت پسندوں نے سیکورٹی فورسز پر گرینیڈ داغا جس میں ایک سی آر پی ایف اہلکار کے ہلاک ہونے کی اطلاع ہے۔

اطلاعات کے مطابق مشتبہ عسکریت پسندوں نے سی آر پی ایف کی گشتی پارٹی پر گرینیڈ داغا اور فائرنگ کی۔ جس دوران شیولال نیتیا نامی سی آر پی ایف اہلکار ہلاک ہو گیا جس کا تعلق سی آر پی ایف کی 116 بٹالین سے تھا۔

ذرائع کے مطابق حملہ آور فرار ہونے میں کامیاب ہوئے۔ تاہم سیکورٹی فورسز نے علاقہ کو محاصرے میں لیکر حملہ آروں کی تلاش شروع کر دی ہے۔

کسی بھی عسکری تنظیم نے اس حملے کی ذمہ داری قبول نہیں کی ہے۔

مزید تفصیلات کا انتظار ہے۔