عوامی حلقوں کی تنقید سے صرف نظر حکومت لاک ڈاؤن پر سختی سے عمل کرنے اور سماجی دوری کو برقرار رکھنے پر زور دے رہی ہے اور ہر سرکاری حکمنامہ پر منظم طریقہ سے عمل کرنے کے لیے دباؤ ڈالا جا جا رہا ہے، تاکہ کورونا وائرس کو مزید پھیلنے سے روکا جا سکے۔
دوسری جانب آئی ایس ایم اینڈ ایچ، کے اسسٹنٹ ڈائریکٹر میڈیکل افسر اننت ناگ نے کورونا وائرس سے متعلق عوامی بیداری اجتماعات منعقد کرنے کا حکم جاری کیا ہے۔
حکمنامہ میں تمام آئی ایس ایم ڈسپنسریز کے متعلقہ افسران کو ہدایت دی گئی کہ وہ ہر ہفتے اپنے آیوش یونٹوں میں بیداری پروگراموں کا انعقاد عمل میں لائیں۔
عوامی حلقوں کی جانب سے اس حکمنامہ کی نقطہ چینی کی جا رہی اور محکمہ صحت کو تنقید کا نشانہ بنایا جا رہا ہے۔ ان کا کہنا ہے کہ یہ دانشمندانہ فیصلہ نہیں ہے، یہ قدم کورونا وائرس کو روکنے کے بجائے مزید پھیلانے کا کام کریگا۔
انہوں نے حکام سے مطالبہ کیا ہے کہ وہ اس حکمنامہ کا ازسر نو جائزہ لیں اور اسے فوری طور منسوخ کریں۔
