کوکرناگ میں کانگریس کارکنان کی میٹنگ

نئے زمینی قوانین پر پوچھے گئے سوال کے جواب میں پیرزادہ محمد سید نے کہا کہ حکومت نے پہلے ہی صنعتکاروں کو زمین خریدنے کی اجازت دی تھی۔ لہٰذا اس میں کوئی نئی بات نہیں ہے۔

یونین ٹیریٹری جموں کشمیر میں بی ڈی سی انتخابات کا بگل بجتے ہی انڈین نیشنل کانگریس نے کوکرناگ میں سیاسی سرگرمیاں شروع کردی ہیں۔ جس دوران کوکرناگ کے بجٹ کمپلکس میں آج پارٹی کا اجلاس منعقد کیا گیا۔ جس کی صدارت کانگریس کے سابق وزیر وسابق ایم ایل اے برینگ پیرزادہ محمد سید نے کی۔ میٹینگ میں ورکران کی اچھی خاصی تعداد موجود تھی۔ اس موقع پر مختلف امور پر تبادلہ خیال کیا گیا۔

گپکار ڈکلیریشن میں حصہ نہ لینے کے سوال کے جواب میں کانگریس کے سابق وزیر کا کہنا تھا کہ وہ اس سوال کا جواب دینا مناسب نہیں سمجھتے۔ انہوں نے کہا کہ اس کا جواب کانگریس کے ریاستی صدر ہی بہتر طریقے سے دے سکتے ہیں۔ یو ٹی میں بی ڈی سی انتخابات میں حصہ لینے کے سوال کے جواب میں سابق وزیر کا کہنا ہے کہ پارٹی کے ہائی کمان کی جانب سے جو فیصلہ لیا جائے گا، ہم اس پر لبیک کریں گے، پارٹی کی بقاء اور اسے مضبوط بنانے کے لئے وہ پوری جدوجہد کریں گے۔

نئے زمینی قوانین پر پوچھے گئے سوال کے جواب میں انہوں نے کہا کہ حکومت نے پہلے ہی صنعتکاروں کو ارضی خریدنے کی اجازت دی تھی۔ لہٰذا اس میں کوئی نئی بات نہیں ہے۔
واضح رہے کہ گذشتہ روز حکومت نے ایک حکمنامہ جاری کیا تھا، جس میں کہا گیا کہ کوئی بھی غیر ریاستی باشندہ جموں کشمیر میں بغیر کسی ڈومیسائل سرٹفیکیٹ کے زمین کی خریداری کر سکتا ہے۔