محکمہ تعلیم کے پرنسپل سکریٹری ڈاکٹر اصغر حسن سامون نے اساتذہ کی تعیناتی کے تناسب میں گڑ بڑ ہونے کی پاداش میں چیف ایجوکیشن افسر اننت ناگ کو معطل کرنے کا حکم دیا ہے۔
دراصل ڈاکٹر اصغر حسین سامون نے آج یعنی بیس مئی کو ایک ٹویٹ کیا ہے جس میں انہوں نے لکھا ہے کہ، وہ یہ جان کر حیران ہو گئے ہیں کہ سرکری مڈل اسکول منگہال اننت ناگ میں تیرہ طلبہ کو پڑھانے کے لئے پندرہ اساتذہ تعینات ہیں، جو پڑھاتے نہیں وہ انصاف کے مستحق نہیں ہیں،سرکاری گائڈ لائن اور اعلیٰ حکام کی ہدایات کے باوجود اساتذہ کی تعیناتی کے تناسب کو بہتر طریقہ سے ترتیب کیوں نہیں دیا گیا ہے۔
چیف ایجوکیشن افسر کو معطل کیا جاتا ہے اور دیگر ذمہ داران کاروائی کے لئے تیار رہیں۔
