ضلع اننت ناگ کے مرہامہ، جعفر پورہ علاقہ میں 16 جون کو دریائے جہلم میں غرقآب ہوئی 13 سالہ کمسن لڑکی کی لاش پیر کی صبح دریا سے بازیاب کی گئی ہے۔
واضح رہے کہ 13 سالہ نگہت 16 جون کو اس وقت دریائے جہلم میں غرقآب ہوئی تھی جب اس کی والدہ دریا کے کنارے سبزیاں دھو رہی تھی۔ اس دوران نگہت کی والدہ سلیمہ نے اپنی بیٹی کو بچانے کے لئے دریا میں چھلانگ لگائی تھی تاہم وہ بھی دریا کے تیز بہاؤ میں ڈوب کر ہلاک ہو گئی۔
13 سالہ کمسن لڑکی کی لاش 103 روز بعد دریا سے برآمد
اس دوران مقامی لوگوں نے سلیمہ کی لاش دریا سے بازیاب کی تھی تاہم اس کمسن بچی کو بازیاب نہیں کیا گیا۔
103 روز گزر جانے کے بعد پیر کی صبح ریت نکالنے کے دوران مقامی افراد کو ریت کے ساتھ نگہت کی بوسیدہ لاش ملی۔
کمسن لڑکی کی لاش برآمد ہونے بعد علاقہ میں صف ماتم بچھ گئی ہے۔
