جموں و کشمیر کے ضلع اننت ناگ کے کھنہ بل میں بی جے پی کی جانب سے منعقد پارٹی اجلاس کے دوران خطاب کرتے ہوئے سینیئر رہنما وبودھ گپتا کہا کہ علیحدگی پسندوں سمیت این سی اور پی ڈی پی نے جنت نظیر کشمیر کو جہنم بنا دیا، دفعہ 370 کی منسوخی سے علیحدگی پسندوں اور عسکریت پسندوں کی کمر ٹوٹ گئی ہے۔
بی جے پی کے اجلاس سے خطاب کرتے ہوئے سینیئر رہنما وبودھ گپتا
انھوں نے مزید کہا کہ کشمیر کے لوگوں نے ڈی ڈی سی انتخابات میں جس طرح بڑھ چڑھ کر حصہ لیا ہے اس سے پوری دنیا میں یہ پیغام گیا ہے کہ کشمیری عوام امن، خوشحالی اور ترقی کے خواہاں ہیں۔
یہاں کے لوگوں نے ووٹ دے کر یہ ثابت کر دیا کہ وہ عسکریت پسندی نہیں بلکہ جمہوریت چاہتے ہیں، یہاں کے لوگ پتھر بازی اور علیحدگی پسندوں کے بہکاوے میں نہیں آنا چاہتے، بلکہ تعلیم اور بنیادی ضروریات کے مقاصد کا حصول چاہتے ہیں۔
