آنگن واڑی ہیلپرس اینڈ ورکرس ایسو سی ایشن نے اسپورٹس اسٹیڈیم اننت ناگ میں احتجاجی مظاہرہ Protest at Sports Stadium Anantnag کرتے ہوئے ان کی اجرتیں واگزار کرنے کے علاوہ منیمم ویجز ایکٹ کو لاگو کیے جانے کا مطالبہ کیا۔ Anganwari Workers protest in Anantnag۔ مظاہرین نے لیفٹیننٹ گورنر انتظامیہ سے انہیں مستقل ملازمت فرہم کرنے کے علاوہ رکی پڑی اجرتوں کو فوری طور پر واگزار کیے جانے کی اپیل کی۔ مظاہرین نے دعویٰ کیا کہ آفات سماوی ہوں یا الیکشن ڈیوٹی، محکمۂ صحت کی جانب سے آگاہی مہم ہو یا عالمی وبا کے دوران ویکسینیشن مہم، آنگن واڑی ہیلپرس اینڈ ورکرس ہمیشہ پیش پیش رہی ہیں، تاہم اس کے باوجود آنگن واڑی ورکرس کے جائز مطالبات کو جان بوجھ کر نظر انداز کیا جارہا ہے۔ انہوں نے انتظامیہ سے ان کے جائز مطالبات کو فی الفور پورا کیے جانے کی مانگ کی۔
انہوں نے مزید کہا کہ مشاہرہ میں اضافہ نہ کیے جانے، اجرتوں کو واگزار اور مستقل ملازمت فراہم نہ کیے جانے کے سبب آنگن واڑی ہیلپرس اینڈ ورکرس کو سخت مشکلات کا سامنا کرنا پڑ رہا ہے۔ انہوں نے دعویٰ کیا کہ بعض آنگن واڑی سینٹرس کا کرایہ بھی انتظامیہ نے ادا نہیں کیا ہے جس کے سبب آنگن واڑی ورکرس کو سخت مشکلات سے دوچار ہونا پڑ رہا ہے۔
آنگن واڑی ہیلپرس اینڈ ورکرس نے لیفٹیننٹ گورنر انتظامیہ سے ان کے جائز مطالبات کو جلد از جلد منظور کئے جانے اور تنخواہوں کو واگزار کیے جانے کی اپیل کی ہے۔ Anganwari Workers protest in Anantnag۔ انہوں نے انتباہ کرتے ہوئے کہا: ’’اگر ہمارے دیرینہ اور جائز مطالبات کو جلد از جلد پورا نہیں کیا گیا تو احتجاج میں مزید شدت لائی جائے گی۔‘‘
