ساؤتھ کشمیر سومو ٹرانسپورٹ ایسوسی ایشن نے اننت ناگ میں ٹریفک کی بدنظمی کو دور کرنے کے لیے انتظامیہ کا شکریہ ادا کیا ہے۔
اننت ناگ کے اچھہ بل کے مقام پر ساؤتھ کشمیر سومو ٹرانسپورٹ ایسوسی ایشن کے آفس میں منعقدہ ایک پریس کانفرینس کے دوران ایسوسی ایشن کے ممبران نے میونسیپل کونسل، پولیس اور ضلع انتظامیہ کی جانب سے ٹریفک جامنگ پر قابو پانے کے لیے موثر اقدامات پر انتظامیہ کی سراہنا کی ہے۔
اس موقع پر ٹرانسپورٹرس نے کہا 'انتظامیہ کے ان اقدامات سے مسافروں کو سفر کرنے میں آسانی ہو گی اور ٹریفک جامنگ سے عوام کو راحت ملے گی'۔
انہوں نے کہا کہ 'اننت ناگ کے تمام سومو ٹرانسپورٹرس کو اپنا اپنا روٹ دیا گیا ہے جس سے مسافروں کو پریشانیوں کا سامنا نہیں کرنا پڑے گا اور ہر وقت گاڑی فراہم رہے گی۔
یہ بھی پڑھیے
ملیے کشمیر کی میک اپ آرٹسٹ منیسا زرگر سے
اراکین نے کہا کہ سومو اسٹینڈس کو عرصہ دراز سے معقول و مناسب جگہ کی قلت تھی اور اب ان اقدامات سے ان مسائل کا ازالہ ہو سکا ہے۔
