اننت ناگ: اننت ناگ ضلع کے حلقہ انتخاب کوکرناگ کے ایک دور دراز علاقہ سنبراری بالا کے لوگوں نے شکایت کی ہے کہ علاقے میں 350 بچوں کے لئے محض ایک آنگن واڑی سینٹر قائم ہے، جس کے نتیجے میں علاقے کے اکثر بچے مرکز کی جانب سے جاری کی گئی مختلف اسکیموں سے محروم ہو جاتے ہیں۔ Sonbrari Residents Demand Anganwadi Centre
ای ٹی وی بھارت کے ساتھ بات کرتے ہوئے مقامی باشندوں کا کہنا ہے کہ علاقے میں آئی سی ڈی ایس کی جانب سے پہلے ہی ایک سینٹر قائم کیا گیا تھا، تاہم علاقے میں پانچ سال سے کم عمر کے بچوں کی آبادی کثیر تعداد میں موجود ہے، جس کے پیش نظر علاقے کے بیشتر بچے مختلف اسکیموں سے محروم ہو جاتے ہیں۔ مقامی لوگوں کے مطابق ’’محکمہ آئی سی ڈی نے کئی سال قبل علاقے میں ایک اور آنگن واڑی سینٹر کے قیام کے علاقے کا جائزہ لیا تھا، لیکن وقت گزرنے کے ساتھ ساتھ محکمہ کا دورہ بس دورے تک ہی محدود رہا، زمینی سطح پر محکمہ کچھ بھی عملانے سے قاصر رہا۔‘‘ Angan Wadi Centre in Sonbrari Kokernag
مقامی باشندوں کا کہنا ہے کہ علاقے میں بچوں کی آبادی میں روز افزوں اضافہ ہوتا ہے وہیں پہاڑی علاقہ ہونے کے ساتھ ساتھ اکثر کنبے سینٹر سے کافی دوری پر آباد ہیں۔ جس کے باعث بچوں کا سینٹر تک پہنچنا دشوار ثابت ہوتا ہے۔ انہوں نے کہا کہ موسم اور جنگلی جانوروں کا خطرہ لاحق رہنے سے والدین سمیت بچے بھی آنگن واڑی سنٹر جانے میں خوف محسوس کرتے ہیں۔ Sonbrari Kokernag Residents Demand Angan Wadi Centre
مزید پڑھیں: Anganwadi Centre for Aadpora: آرڑپورا علاقہ میں آنگن واڑی سینٹر کا قیام عمل میں لایا جائے
مقامی باشندوں نے انتظامیہ سے سنبراری علاقے میں آنگن واڑی سینٹر کا قیام عمل میں لانے کی اپیل کی ہے تاکہ علاقہ کے بچے بھی مرکزی سرکار کی جانب سے وضع کی گئی مختلف اسکیموں سے استفادہ حاصل کر سکیں۔
