ضلع اننت ناگ کے دہوتو، پہلگام میں رہائشی مکان میں آتشزدگی کے سبب مکان میں موجود لاکھوں روپے مالیت کا سامان راکھ کے ڈھیر میں تبدیل ہو گیا۔
مقامی باشندوں کے مطابق گلزار احمد میر کے رہائشی مکان سے اچانک آگ نمودار ہوئی جس نے آنا فاناً پورے مکان کو اپنی لپیٹ میں لے لیا۔
آگ کی واردات میں اگرچہ کوئی جانی نقصان نہیں ہوا۔ تاہم مقامی باشندوں کے مطابق مکان میں موجودہ لاکھوں روپے مالیت کا سامان خاکستر ہو گیا۔
متاثرین اس وقت آس پڑوس کے رحم و کرم اور سہارے پر زندگی گزار رہے ہیں۔
گرچہ مقامی لوگوں نے حادثے کے فورا بعد متاثرین کے لیے کھانے پینے کی اشیاء اور کچھ نقدی جمع کرنے کی پہل کی ہے۔ تاہم انہوں نے ضلع انتظامیہ سے متاثرین کی بازآبادکاری کی اپیل کی ہے۔
