ضلع اننت ناگ کے دانتر آستان محلہ کے لوگوں نے پینے کے پانی کی عدم دستیابی کو لے کر محکمہ جل شکتی کے خلاف احتجاج کیا۔
مقامی لوگوں کا کہنا ہے کہ ان کے علاقے میں کئی روز سے پینے کا پانی میسر نہیں ہے جس کے سبب انہیں کافی مشکلات کا سامان ہے۔
لوگوں کا کہنا ہے کہ انہوں نے کئی بار متعلقہ محکمہ کے دفتر کے چکر کاٹے تاہم وہاں پر محکمہ جل شکتی کا کوئی بھی ملازم موجود نہیں تھا۔ انہوں نے کہا ’’ملازمین لاک ڈاؤن کا فائدہ اٹھاتے ہوئے ڈیوٹی کے بجائے اپنے گھروں میں آرام فرما رہے ہیں۔‘‘
مقامی لوگوں کے مطابق لاک ڈاؤن کی صورتحال کے دوران محکمہ جل شکتی کی جانب سے ان کے علاقے کو پوری طرح نظر انداز کیا گیا ہے، اور لوگوں کو لاک ڈائون کے دوران بھی پیدل سفر کرکے پینے کا پانی لانے کے لئے بھٹکنا پڑتا ہے۔
احتجاجیوں کا کہنا تھا کہ عید اور رمضان کے متبرک ایام میں بھی انہیں پینے کے پانی کی عدم دستیابی کے سبب کئی مشکلات کا سامنا رہا۔
اس ضمن میں انہوں نے اعلیٰ حکام سے معاملے کی جانب توجہ مبذول کرنے کی اپیل کی۔
