ضلع اننت ناگ میں محکمہ پی ڈی ڈی میں کام کر رہے ڈیلی ویجرس نے اپنی مانگوں کو لے کر ایگزیکٹو انجینیئر دفتر کے سامنے انوکھا احتجاجی مظاہرہ کیا۔
احتجاجیوں کا کہنا ہے کہ وہ محکمہ میں تین دیہائی سے کام کر رہے ہیں اور ابھی تک کئی ملازمین اپنی خدمات انجام دینے کے دوران حادثات کا شکار بھی ہوئے ہیں۔
ان کا کہنا ہے 'تنخواہ نہ ملنے کی وجہ سے مہنگائی کے اس دور میں گزارا کرنا کافی مشکل ہے۔ متعلقہ محکمہ کی جانب سے ان کی نوکریوں کو مستقل کرنے کی کئی بار یقین دہانی کرائی گئی تاہم ابھی تک انہیں ان کے حقوق سے محروم رکھا گیا اور حکومت کی جانب سے انہیں مستقل کرنے کے ٹھوس اقدامات نہیں اٹھائے جا رہے ہیں'۔
یہ بھی پڑھیے
عسکریت پسندوں کے حملے میں پولیس افسر ہلاک
ڈیلی ویجرس کا مطالبہ ہے کہ تمام ملازمین کی نوکریوں کو جلد از جلد مستقلی کے ہدایات جاری کئے جائیں، تاکہ مستقل میں انہیں مزید مشکلات کا سامنا نہ کرنا پڑے۔
