اننت ناگ: سڑک حادثے میں 5 سالہ بچے کی موت

جنوبی کشمیر کے پولیہ، ویری ناگ میں دلدوز سڑک حادثے کے دوران ایک پانچ سالہ بچے کی موت واقع ہوگئی۔

ضلع اننت ناگ کے پولیہ، ویری ناگ میں موٹر سائیکل نے 5 سالہ بچے کو ٹکر ماری جس کے نتیجے میں کمسن بچے کی موت واقع ہوگئی۔ ٹکر مارنے کے بعد موٹر سائیکل سوار موقع واردات سے فرار ہوگیا۔

فوت ہونے والے بچے کی شناخت کٹھو حال، پولیہ، ویری ناگ کے رہنے والے محمد عمران بدانہ ولد محمد اسحاق بدانہ کے طور پر ہوئی ہے۔

پولیس نے اس ضمن میں معاملہ درج کرکے موٹر سائیکل سوار کی تلاش شروع کردی ہے۔