اننت ناگ کے سالیہ ہوسپٹل میں کورنٹین کیے گئے 47 افراد کو گزشتہ شام اپنے گھروں کو روانہ کیا گیا۔ ان افراد میں بچے اور خواتین بھی شامل تھے۔
اس موقع پر اے سی آر اننت ناگ سید یاسر، سی ایم او اننت ناگ ڈاکٹر مختار، ڈپٹی سی ایم او ڈاکٹر ایم وائی زاگو سمیت ضلع کے دیگر افسران بھی موجود تھے۔
ماہرین نے قرنطینہ مکمل کرنے پر ان افراد کی ستائش کی اور انہیں گھروں کے اندر مکمل طور پر رہنے کی سخت ہدایت بھی دی۔
واضح رہے کہ ضلع اننت ناگ میں آج کورونا کے 14 نئے معاملات سامنے آنے کے بعد کل کیسوں کی تعداد 84 سے تجاوز کر گئی ہے۔
