حد بندی کمیشن آج جنوبی کشمیر کے پہلگام کے دورہ پر ہے۔ کمیشن بدھ کے روز سرینگر سے روانہ ہوکر پہلگام پہنچ گیا۔ پہلگام کلب میں حد بندی کمیشن کی سات رکنی کمیٹی موجود تھی۔ انہوں نے مختلف سیاسی، سماجی و عوامی وفود سمیت جنوبی کشمیر کے اضلاع، اننت ناگ، کولگام، شوپیاں اور پلوامہ کے ضلع ترقیاتی کمشنرز سے میٹنگ کی۔
یہ بھی پڑھیں: حد بندی کمشن کا کشمیری سیاسی جماعتوں سے ملاقات مکمل
واضح رہے کہ سنہ 2002 میں فاروق عبد اللہ کی حکومت نے حد بندی پر سنہ 2026 تک پابندی عائد کر دی تھی۔ تاہم تنظیم نو قانون کے اطلاق کے بعد مرکزی سرکار نے جموں و کشمیر میں نئے اسمبلی حلقوں کے قیام کے لیے حد بندی کمیشن تشکیل دے کر یونین ٹریٹری میں مزید سات سیٹوں کا اضافہ کرنے کا حکم جاری کیا ہے۔
سابق ریاست جموں و کشمیر میں اسمبلی حلقوں کی تعداد 111 تھی جن میں 87 پر ہی انتخابات منعقد ہوتے تھے کیونکہ 24 سیٹوں کو اس پار والے کشمیر کی آبادی کے لیے مخصوص رکھا جاتا ہے۔
