وائیلو کوکر ناگ میں سڑک حادثہ

کوکرناگ کے وائیلو علاقے میں آج ایک الٹو کار اور ایک ٹرک کے درمیان تصادم ہوا۔ جس کے نتیجے میں وندولگام کا الٹو ڈرائیور زخمی ہو گیا۔

زخمی شخص کی شناخت جہانگیر احمد رینا کے طور پر ہوئی ہے جس کو علاج و معالجہ کی خاطر کوکرناگ کے ایس ڈی ایچ اسپتال منتقل کیا گیا۔ جہاں اُس کی حالت مستحکم بتائی جا رہی ہے،

عینی شاہدین کے مطابق الٹو ڈرائیور تیز رفتاری سے گاڑی چلا رہا تھا جو بعد میں مذکورہ ڈرائیور کے قابو سے باہر ہو کر ٹرک سے ٹکرا گئی۔

پولیس نے اس سلسلے میں کیس درج کر کے معاملے کی چھان بین شروع کی ہے۔