محکمہ زراعت کی جانب سے جنوبی کشمیر کے ویری ناگ، اننت ناگ میں کسانوں کو سرسوں کی کاشت کرنے کی ترغیب دینے کی غرض سے آگہی پروگرام کا انعقاد عمل میں لایا گیا۔
محکمہ زراعت نے کسانوں سے، سرما کے ایام میں، زرخیز اراضی کو بے کار رکھنے کے بجائے سرسوں کے بیچ بونے کی ترغیب دی۔
ذرائع ابلاغ کے نمائندوں سے بات کرتے ہوئے محکمہ زراعت کے افسران نے کہا کہ بڑھتی مہنگائی کے سبب اشیاء خورد و نوش کی قیمتیں آسمان کو چھو رہی ہیں اور مہنگائی کا براہ راست اثر سبھی شعبہ ہائے زندگی سے وابستہ افراد کے ساتھ ساتھ کسانوں پر بھی پڑتا ہے۔
مزید پڑھیں: اننت ناگ: خشک سالی سے مکئی کی پیداوار متاثر، کسان مایوس
انہوں نے کہا کہ وادی کشمیر میں کسان موسم سرما میں کاشت کاری سے عموما گریز کرتے ہیں، جس کے پیش نظر محکمہ زراعت کی جانب سے کسانوں کو موسم سرما میں سرسوں کی کاشت کرنے کی ترغیب دی جا رہی ہے۔
