اننت ناگ: سڑک حادثے میں نوجوان ہلاک

ضلع اننت ناگ کے کوکرناگ میں واقع لارنو علاقہ میں سڑک حادثے میں ایک نوجوان کی موت ہو گئی۔

اطلاعت کے مطابق نبوگ لارنو کے مقام پر ایک سومو گاڑی کی چھت پر بیٹھا ہوا 18 برس نوجوان چلتی ہوئی گاڑی سے گرگیا، اگرچہ مقامی لوگ مذکورہ نوجوان کو اسپتال لے جا رہے تھے، تاہم نوجوان نے راستے میں ہی دم توڈ دیا۔

ہلاک شدہ نوجوان کی شناخت ریاض احمد ولد غلام احمد آخون ساکنہ گاورن کے بطور یوئی ہے۔ نوجوان کی موت سے پورے علاقہ میں غم کی لہر دوڑ گئی ہے۔

ادھر لارنو پولیس نے معاملہ درج کر کے تفتیش کا آغاز کر دیا ہے۔